കാന്താരി മുളക്

ഇന്നലെ ആരോ ഒരുവന്‍
ഒരു കാന്താരി മുളകിനെ
ഒന്നു നോവിച്ചു.

കടുകു  മണിയോളം
പോന്ന ആ കാന്താരിക്കു
ഇത്രയും വീര്യമുണ്ടെന്ന്
അപ്പോള്‍ തന്നെ അവനറിഞ്ഞു.

ആവോളം അവനെ
വെള്ളം കുടിപ്പിച്ചിട്ട്
ആ കാന്താരി ചൊല്ലി
"എന്നെ നോവിച്ചവര്‍
ആരായാലും അവനെ
ഞാന്‍ ഇങ്ങനെ വെള്ളം കുടിപ്പിക്കും".

കാന്താരിയുടെ ഈ
ചങ്കുറപ്പു കണ്ട ഞാന്‍
ഒരു മാത്ര ആശിച്ചു പോയി,
അടുത്ത ജന്മത്തില്‍ ഇവളെന്റെ
മകളായി പിറന്നിരുന്നെങ്കിലെന്ന്.........