Wednesday, January 19, 2011

നാണം കുണുങ്ങി

പവിഴ കണ്ണുള്ള പളുങ്കു പെണ്ണേ
പുഴയരികിലെ പെണ്ണേ
പതഞ്ഞൊഴുകുന്ന പുഴയില്‍ നോക്കി
കാത്തിരിക്കുന്നതാരേ നീ കാത്തിരിക്കുന്നതാരേ

നുണക്കുഴിയുള്ള നങ്ങിണി പെണ്ണേ
നാണം കുണുങ്ങി പെണ്ണേ
നാണിച്ചു നിന്നു മുഖം മറച്ചു
കോരിത്തരിപ്പിക്കുന്നതാരേ നീ കോരിത്തരിപ്പിക്കുന്നതാരേ

കണ്ണാടി കവിളുള്ള കാന്താരി പെണ്ണേ
കള്ളചിരിയുള്ള പെണ്ണേ
കണ്ണാടി നോക്കി മുഖം മിനുക്കി
കൊതിപ്പിക്കുന്നതാരേ നീ കൊതിപ്പിക്കുന്നതാരേ

പാലപൂക്കാവിലെ പൂക്കാരി പെണ്ണേ
പാലയ്ക്ക മാലയണിഞ്ഞ പെണ്ണേ
പാതി മയക്കത്തില്‍ പതിവു നേരത്ത്
കിനാവു കാണുന്നതാരേ നീ കിനാവു കാണുന്നതാരേ...

8 comments:

faisu madeena said...

ആരെയാ ?

ശ്രീനാഥന്‍ said...

ആ ഇതാരാ, കൊള്ളാലോ, കാട്ടുമല്ലിക സിൽമേലൊക്കെയുള്ളൊരു പെണ്ണുപോലെ.. അവളൂടെ കണ്ണൂകൾ കരിങ്കദളിപ്പൂക്കൾ...! നല്ല സന്തോഷം തോന്നണ വരികൾ!

മുകിൽ said...

അതെ. ഒരു സിനിമാഗാനത്തിന്റെ മനോഹര ഈണം..

Akbar said...

കണ്ണാടി നോക്കി മുഖം മിനുക്കി
കൊതിപ്പിക്കുന്നതാരേ.......

നല്ല ഈണം. ചൊല്ലാന്‍ സുഖമുള്ള വരികള്‍.

JITHU said...

kollaalo ...
Athaareyaa???

റീനി said...

കൊള്ളാമല്ലോ!

ഇവളെന്റെയും പ്രിയപ്പെട്ടവളാണ്. നിശാഗന്ധിയുടെ സിസ്റ്റേര്‍സ് ഇവിടെയുണ്ട്, അവരുടെ പുടവയുടെ നിറം വേറെയാണന്നു മാത്രം.
http://panayolakal.blogspot.com/2007/09/blog-post.html

ജയിംസ് സണ്ണി പാറ്റൂര്‍ said...

വെള്ളപ്പട്ടുടുത്ത പെണ്ണേ
വെള്ളാരങ്കണ്ണുള്ള പെണ്ണേ
പാതിരാ തീരും മുമ്പേയെന്തേ
പാതി വഴിയെ മടങ്ങുന്നു നീ

nisagandhi said...

എന്റെ എല്ല്ലാ കൂട്ടുകാര്‍ക്കും നന്ദി .....