Monday, June 21, 2010

ഓര്‍മ്മകള്‍ മരിക്കുമോ ?

ഒരു നൊമ്പരത്തിന്റെ തേങ്ങലായ്
ഒരു സാന്ത്വനത്തിന്റെ സായൂജ്യമായ്
മനസ്സിലെ മാന്ത്രിക കൊട്ടാരത്തിലുറങ്ങുന്ന
മന്ത്രവാഹിനികളല്ലോ ഓര്‍മ്മകള്‍.

ഓര്‍ത്താല്‍ വിരുന്നു വരും
ഈ ഓര്‍മ്മകള്‍
ഓര്‍ക്കാതിരുന്നാല്‍ അകന്നു പോകും
ഒരന്യനെ പോലെ.

ഒരുപാട് ഓമനിക്കാം ഈ ഓര്‍മ്മകളേ
ഒരിക്കലും മായാത്ത മുദ്രകളായ്.
ഒറ്റയ്ക്കിരുന്നാല്‍ ഓടിയെത്തും
ഒരുപിടി ഓര്‍മ്മകളെന്നും.

എകാന്തതയുടെ കൂട്ടുകാരെ നിങ്ങള്‍
എന്നും വേര്‍പിരിയാത്ത ഉള്‍തുടിപ്പുകളല്ലോ.
ഒരായിരം ഓര്‍മ്മകളെന്നും
മനസ്സിന്‍ മടി തട്ടില്‍
ഓളങ്ങളായി അലയടിക്കും.
ഓര്‍ത്തിടാം മധുര സ്മരണകളായ്‌
എന്നും മരിക്കാത്ത ഈ നിനവുകളെ.

3 comments:

ജയിംസ് സണ്ണി പാറ്റൂര്‍ said...

ഓര്‍ക്കവേയുമെത്താതെന്തേയിന്നും
വിരുന്നുകാരിയെപ്പോലെന്നോര്‍മ്മകള്‍
ഓര്‍ക്കാതിരിക്കവേ മനസ്സിന്‍ വാതില്ക്കല്‍
ഒച്ച വെയ്ക്കാതെവന്നു പതുങ്ങി നില്ക്കും

sm sadique said...

ഓർക്കുവാനോർക്കുന്നതല്ലിതൊന്നും ഓർക്കാൻപറ്റിയ നോരമല്ല……
ഓർമകളുണ്ടായിരിക്കണം……. ഓർമകളെ.

nisagandhi said...

എല്ലാ കൂട്ടുകാര്‍ക്കും എന്റെ നന്ദി....

കാക്ക ജന്മം .............

നഗരത്തിൻ ഓരത്ത് മാമരത്തിൻ ചില്ലയിൽ നീ അന്തിയുറങ്ങുന്നു. ആ മാമര ചുവട്ടിൽ കദനത്തിൻ കിനാവു കണ്ടു ഞാനോ ഉറങ്ങന്നു . കറുത്ത പുകയുള്ള നഗരം ...