ഇന്നു സ്വര്‍ഗ്ഗത്തില്‍ പാറി പറക്കുന്ന
ആ പാവം വെള്ള പെണ്‍ പ്രാവിനെ
ഇന്നും ഞാന്‍ ഓര്‍ക്കുന്നു
അന്ന് ഒരു അമാവാസി നാളില്‍
വെള്ള പ്രാവുകള്‍
മയങ്ങും പാതിരാ നേരം
ഏതോ ഒരു ദുസ്വപ്നത്തിന്‍
ഞെട്ടലില്‍ ഉണര്‍ന്നപ്പോള്‍
കണ്ട കാഴ്ചയില്‍
നടുങ്ങി ആ പാവം പെണ്‍ പിറാവ്
ഒരു വെള്ളി മൂങ്ങയുമായി കുറുങ്ങുന്ന
തന്‍ തുണയെ കണ്ടു തരിച്ചു പോയി.
കണ്ണുകള്ക്കു വിശ്വസിക്കാന്‍
പറ്റാത്ത ആ കാഴ്ചയില്‍ മരവിച്ചു
പാവം ഒരു നിമിഷം .
കലിപ്പൂണ്ട ആ
കാട്ടാള ജന്മങ്ങള്‍
ആഞ്ഞുക്കൊത്തി
ആ പാവത്തിന്‍ തലയില്‍ .
ഒടുവില്‍ ആ പാതിരാ നേരത്ത്
ആ പാവത്തിന്‍ ജീവന്‍
വെള്ളി മൂങ്ങ തന്‍
കൊക്കില്‍ പിടഞ്ഞു.
ഇന്നു സ്വര്‍ഗ്ഗത്തില്‍ പാറി പറക്കുന്ന
ആ പാവം വെള്ള പെണ്‍ പ്രാവിനെ
ഇന്നും ഞാന്‍ ഓര്‍ക്കുന്നു..........
