വേര്‍പാടിന്റെ നൊമ്പരം

കരയിലെന്‍ കളിമണ്‍ കൂടാരം
കടല്‍ തിരയേറ്റു തകരുന്നു.
മനസ്സില്‍
മായാത്ത നിന്‍ രൂപം
മെഴുകുതിരിയായി കത്തി ഉരുകുന്നു

എരിയുകയാണോമനേ എന്‍ നെഞ്ചിലെ കനലുകള്‍
എരിഞ്ഞണയുകയാണോമനേ എന്‍ മണ്ചിരാതുകള്‍
ഇണയറ്റ കിളി തന്‍ മനം പോലെ
കരയാതേ നീ കരഞ്ഞു തളരാതേ

പിരിയുകയാണോ നീ മറുവാക്കുകളില്ലാതെ
അകലുകയാണോ നീ അതിരുകളില്ലാതെ
മുറിവേറ്റ മാന്പേട തന്‍ കദനം പോലെ
മനമുരുകാതേ നീ മാഞ്ഞു പോകാതേ

വിടപറയാം വേര്‍പാടുകളുടെ നൊമ്പരമായ്
വിരഹിണി നീ വിതുമ്പാതെ.
വരമുണ്ടെങ്കില്‍ വീണ്ടുമൊന്നിക്കാം
വരും ജന്മത്തില്‍ വേര്‍പിരിയാതെ.............

6 comments:

  1. നന്നായിട്ടുണ്ട്

    ReplyDelete
  2. അതെ ഒന്നിക്കാനുള്ള വരം
    വരവറിയുക്കുന്ന കാലം വരും.
    നന്മ.

    ReplyDelete
  3. ഒന്നിക്കട്ടെ ഈ ജന്മത്തിൽ തന്നെ! ആശംസകൾ

    ReplyDelete
  4. വിടപറയാം വേര്‍പാടുകളുടെ നൊമ്പരമായ്
    വിരഹിണി നീ വിതുമ്പാതെ.
    വരമുണ്ടെങ്കില്‍ വീണ്ടുമൊന്നിക്കാം
    വരും ജന്മത്തില്‍ വേര്‍പിരിയാതെ

    നല്ല വരികള്‍!

    ReplyDelete
  5. എല്ലാ കൂട്ടുകാര്‍ക്കും എന്റെ നന്ദി....

    ReplyDelete